Punjabi News

ਹਿੰਦੀ ਫਿਲਮ ਬਣਾਉਣ ਵਾਲਿਆਂ ਵਿੱਚ ਭਲਾ ਹੀ ਮਲਿਕਾ ਸ਼ੇਰਾਵਤ ਦੀ ਪੁੱਛ-ਗਿੱਛ ਘੱਟ ਹੋ ਗਈ ਹੋਵੇ, ਪਰ ਹਾਲੀਵੁੱਡ ਵਾਲਿਆਂ ਤੇ ਮਲਿਕਾ ਨੇ ਆਪਣਾ ਜਾਦੂ ਕਰ ਦਿੱਤਾ ਹੈ। ਉਹਨਾਂ ਨੂੰ 'ਲਵ ਬਰਾਕ' ਨਾਮਕ ਨਵੀਂ ਹਾਲੀਵੁੱਡ ਫਿਲਮ ਮਿਲੀ ਹੈ, ਜਿਸ ਵਿੱਚ ਉਨ੍ਹਾਂ ਦੇ ਨਾਲ 'ਅਵਤਾਰ' ਫੇਮ ਲੇਜ ਅਲੋਂਸੋ ਦਿਖਾਈ ਦੇਣਗੇ। ਇਸ ਆਫਰ ਨੇ ਮਲਿਕਾ ਦੀਆਂ ਖੁਸ਼ੀਆਂ ਨੂੰ ਵਧਾ ਦਿੱਤਾ ਹੈ। ਲੇਜ ਦੇ ਨਾਲ ਅਭਿਨੈ ਕਰਨ ਲਈ ਉਹ ਉਤਸੁਕ ਹੈ। ਉਹ ਕਹਿੰਦੀ ਹੈ ਕਿ 'ਲੇਜ ਵਰਗੇ ਪ੍ਰਤਿਭਾਸ਼ਾਲੀ ਕਲਾਕਾਰ ਦੇ ਨਾਲ ਕੰਮ ਕਰਨ ਦਾ ਮੌਕਾ ਮਿਲਣਾ ਮੇਰੇ ਲਈ ਬਹੁਤ ਵਧੀਆ ਗੱਲ ਹੈ।' 'ਲਵ ਬਰਾਕ' ਇੱਕ ਕਾਮੇਡੀ ਫਿਲਮ ਹੈ ਜੋ ਰਾਜਨੀਤੀ ਦੇ ਆਲੇ-ਦੁਆਲੇ ਘੁੰਮਦੀ ਹੈ। ਇਸ ਫਿਲਮ ਦਾ ਨਿਰਦੇਸ਼ਨ ਡਗ ਮੈਕਹੈਨਰੀ ਕਰਨਗੇ। ਮਲਿਕਾ ਇਸ ਵਿੱਚ ਬਰਾਕ ਓਬਾਮਾ ਦੀ ਪ੍ਰਸੰਸਕ ਬਣੀ ਹੈ, ਪਰ ਰਾਸ਼ਟਰਪਤੀ ਦੀ ਚੋਣ ਤੋਂ ਠੀਕ ਪਹਿਲਾਂ ਉਸ ਨੂੰ ਵਿਰੋਧੀ ਪਾਰਟੀ ਦੇ ਉਮੀਦਵਾਰ ਲਈ ਕੰਮ ਕਰਨ ਵਾਲੇ ਵਿਅਕਤੀ ਨਾਲ ਪਿਆਰ ਹੋ ਜਾਂਦਾ ਹੈ।

Date:2010-02-09 Time:00:00:53 source:yahoo